د. محمد سالم سمان

[كلبش برتقالي]

أعتقد والله أعلم من كلام الطلاب إن الدكتور غير شوي من طريقته..

درست عنده 260 ..

التحضير :
يوميا.. ورقة تمر على الطلاب..حتى إذا دخلت متأخر تحط صح في الورقة وخلاص .. لكن المشكلة بعض الأحيان يسوي حركة .. يدخل عند بداية الكلاس بالضبط وياخذ السيريال نمبرز للطلاب الجالسين في الكلاس بسرعة .. لدرجة إنه يخلص تحضير قبل ما يخلص البرج الدقة كاملة ..ويسجلها وبعدها أي واحد يدخل ما يحضره (سواها مرتين أو ثلاث خلال السمستر) .. لكن قالنا اللي يتأخر وما أحضره .. ويحضر أسبوعين بدون ما يتأخر أحضره ..

طريقة الشرح :
- يدخل ال التعريف على الكلمات الانجليزي كلها
<< I like it ..
- كتابة..كتابة..كتابة.. بتتعب لو حاولت تكتب كل شي يكتبه-خاصة الكلام- .. حاول إنك تكتب الأشياء اللي تتوقع إنها مفيدة..
-شريييييييييح.. شرح من بداية الكلاس إلى نهايته 50 دقيقة شرح بالضبط ..
-كما قال بعض الطلاب في أحيان كثيرة يختصر الحل أو يقولك check it at home .. لكن صراحة ما ألومه لأن كورس الــ260 نصه ماتيريسيس ومن الصعب إن كل مسألة يحلها كاملة لأنها بتاخذ وقت على الفاضي.. لكن دائما إذا كتب سؤال وما كمله .. يقول : please if u have in doubt ask .. ويجاوبك بكل وضوح..

الكويزات :
-ما عطانا ولا بوب كويز كلها يقولنا قبل وياخذ راينا في موعد الكويز..
-الكويزات سهلة ..
-الكويزات تكون على ماتيريال بسيط جدا درس أو درسين بالتالي تقدر تذاكرها قبل الكلاس بعشر دقايق..
-كويزاته كثيرة وغالبا يشيل أسوء كويز أو اثنين ..
-أول كويز كان عن ماتيريال الــ102 ..

المياجر:
جاب لنا مياجر سهلة..
لكن..
الفاينلات :
صلخنا في الفاينل ..

القريد النهائي:
B+ - A
الصوت:
واضح ..

إضافات :
بيعطيك سيريال نمبر تحفظه في بداية السمستر..
اننننننننننننننننننننننننننننننننننننننننتبه تسلم له هوم وورك أو كويز أو ميجر وانت مو كاتب السيريال أو كاتب بداله الآي دي .. وإذا صار هالشي توقع أي شي يصير..
الشباب اللي نسوا يكتبو نالرقم في الميجر أخر قريداتهم أكثر من أسبوع .. وبعدين مدري إذا خصم عليهم ولا لا..
المهم لا تنسى تكتب السيريال على أي شي بتسلمه له ..

[لافت نظر]

الي يبي يطلع من الكورس وهو فاهم ومتقن المادة ياخذها عند الدكتور طيب الخلق

الدكتور محمد سمان

ولي عودة بالتفاصيل

[مهندس صناعي]

باختصار شديد اللي يبي يدرس ماث 102 مرة ثانية ياخذها عنده !!

الدكتور صح انه طيب واخلاقه عاليه بس عليه طلعات مدري وش تبي ؟

أول شي الافرج عنده دي بلس والتصحيح دقييييييق جدا والتحضير أحس اني في مدرسه لما يجي المراقب وياخذ الغيابات ، سرعته 675876568586 كلم/ساعه

ما انصح تنزل عنده إذا تبي قريد لاته صعب جدا تاخذه من عنده

نصيحتي نزل مع غيره وذاكر من النوت حقه

القريد النهائي دي

[متفائل بخير]

شباب الله يخليكم
كيف تصحيحة منزل معاه الترم الجاي 202

[لافت نظر]

اخوي متفائل انا نزلت معاه 260 في ترم 91

الدكتور شريييييح درجة اولى ويحب يوصل المعلومة للطلاب ومهتم جدا جدا بفهم الطالب حتى كل شوي يسأل في سؤال هنا قبل انتقل للفقرة الثانية يعني دكتور يشرح من قلب ويبغى الطلاب يستفيدون هذا عن الشرح

والنوت مثل ماقالوا الشباب الكتابة معه كثيرة يعني من اول الكلاس الى اخره تقريبا 35 دقيقة كتابة لكن النوت الي تكتبه من ذهب انا عن نفسي كتبت معه في ال 260 والي ناقص كملته من اخوياي والحمدلله طلعت بقريد احلى من الحلو واقول لك يمكن في السكشن اكثر من 5 اخذوا اي واي بلس معه

اما عن الكوزات هو قال لنا في بداية السمستر ان فيه كوزات مفاجأة بدون لايقول لنا وقال ان هذا من القسم لكن الحمدلله خلصنا القسم ولا عطانا ولا كوز مفاجئ واغلب الكوزات الي ناخذها في الغالب الطلاب هم الي يحددون يعني اذكر يمكن مرتين الي غيرنا موعد الكوز وفيه خويي سحب عن كوز وبدون عذر وراح له بالاوفس اور وقال له انه راحت عليه نومه وكذا وسمح له الدكتور وعطاه الافرج وانا محدثك في واجب مات لاب عليه 2 % ماسلمته ويوم جاء الواجب الثاني رحت وكلمت الدكتور وقلت له انا ماسلمت الاول وتعرف يادكتور 2 % على الواجب الواحد كثيرة المهم قال خلاص سلمه مع الواجب الثاني

الهوموركات غالبا كل يوم اثنين وفيه بعض الطلاب يسلمونها الاربعاء وانا من اكثر الطلاب الي ماعمري سلمت هومورك في موعده يعني مثل الاسبوع الجابتر الاول اسلم الجابتر الاول مع الثاني في الاسبوع الثاني ويقبل الدكتور مدري من الدكتور او من المصحح المهم اني الحمدلله طلعت بالاخير من الكورس بدرجة ممتازة جدا

بالنسبة للتعريفات والصح والخطا الي ذكروها الشباب انا شفتها في مياجر قديمة يمكن ميجر 71 لكن في مياجرنا ماجاب ولا تعريف ولا صح وخطا ولو جابها كلها موجودة بالنوت حقه بالنص الواحد والتعريفات الي يكتبها بالنوت تكفيك لفهم الموضوع بدل من البحث من الكتاب او سوال الصديق يعني يكتب الشرح على شكل تعريف وعشان كذا الكتابة طويلة معه

والكوزات اشوف انها سهله وتقيس فهم الطالب وتصحيح الدكتور والله احلى من العسل

المياجر

ميجر ون سهل جدا
ميجر تو سهل جدا جدا جدا جدا جدا الافرج 85
الفاينل صعب


القريد النهائي : A++++++


من المواقف الي اذكرها مع الدكتور جيته بعد الميجر ون في الاوفس وعندي سؤالين ابغى يشوف توزيع الدرجات الي حصلت عليها في السؤالين المهم الدكتور حاول يقنعني ان حلي مو كامل ونقص علي على ان حلي مو كامل مرة المهم ان الي خلاني اطلع من عنده وانا راضي انه جالس نص ساعه يحاول يفهمني ليه نقص علي وليه حلي ناقص وشرح لي المسالة من الى وكلامه طيب ويشجع الطالب ويحاول يقنعي وهو يبتسم ونفسه طيبه مو مثل بعض الدكاترة الباقين


تذكر كلامي كان في سمستر 91 في ماث 260 وكان الكوردينيتر وقتها هو الدكتور وكان فيه 4 سكاشن هو يدرس 3 وسكشن واحد يدرسه دكتور ثاني